eGov жүйесі іске қосылған сәттен бастап Қазақстанның электрондық үкімет төлем шлюзі арқылы төлемдер сомасы 41,5 млрд теңгеден асты, деп хабарлайды ortcom.kz.
Осы жылдың жылдың 9 айында www.egov.kz порталы арқылы қазақстандықтар 12,5 млрд-тан астам теңгеге операция жасаған. Өткен жылмен салыстырғанда төлемдер мен аударымдар 14,2 млрд теңгеден жоғары соманы құрады.
Сонымен қатар, биылғы жылдың 9 айында онлайн түрде жолда жүру ережесін бұзғаны үшін салынатын айыппұлдар жиірек төленетін болып шықты, олардың үлесіне төлемдердің 84%-ы немесе 10,5 млрд теңгеден астам сома тиесілі. Келесі орында салықтар мен баж салығы бойынша төлем тұр, алымдар барлық төлемдердің 11%-ын(1,3 млрд теңгеден астам) құрады. Сондай-ақ азаматтар электрондық порталды Қазақстан Тұрғын үй құрылыс жинақ банкіндегі есеп-шотын толықтыру үшін белсенді түрде пайдаланады – ол барлық төлемдердің 4%-ын (555 млн теңгеден астам) құрайды. Ал коммуналдық төлемдер мен БКБ қарыздарын өтеу мен ұялы телефон байланысына төлемдер 0,3 %-ды (35 млн теңгеге жуық) құрайды.
