ҚР ДСМ денсаулық сақтауды дамыту республикалық орталығы 2017 жылға арналған ғылыми және инновациялық қызмет көрсеткіштер бойынша медициналық ЖОО, ғылыми-зерттеу институттары, ғылыми және ұлттық орталықтар рейтингінің қортындысын шығарды, деп хабарлайды elorda.info.
"Ғылыми ұйымдар мен университеттерді бағалау кезінде мынадай негізгі көрсеткіштер ескерілді: ғылыми зерттеулердің көлемі, ғылыми басылымдардың саны, дәйексөздердің жиілігі, патенттер мен ғылыми әзірлемелерді тіркеу, ғылыми нәтижелерді коммерцияландыру, халықаралық конференцияларға қатысу", - деп айтылды орталықтан.
Талдау нәтижелері бойынша Қазақстандағы медициналық мекемелердің рейтингісінде 1 орында - Қарағанды мемлекеттік медицина университеті, 2 орында - Оңтүстік Қазақстан мемлекеттік фармацевтикалық академиясы, 3 орында Қазақ медицина университеті орналасты.
Ғылыми-зерттеу институтында / клиникалық профильде ең жақсы көрсеткіштерінің рейтингі бойынша 1 орында - Радиациялық медицина және экология ғылыми-зерттеу институты, 2 орында – Сызғанов атындығы ұлттық хирургия ғылыми орталығы, 3 орында Кардиология және ішкі аурулар ғылыми-зерттеу институты болды.
Медициналық институттардың және ғылыми ұйымдардың жыл сайынғы ұлттық рейтингін жариялау қоғамдық денсаулық сақтау саласындағы қазақстандық ғылыми ұйымдардың қызметінің ашықтығын және бәсекеге қабілеттілігін арттыруға бағытталған.
