"Павлодардың мейірімділер клубы" және "Трамвай басқармасы" АҚ қайырымдылық акциясын ұйымдастыруда, деп хабарлайды pavlodarnews.kz.
"Біз облыс орталығына үш күнге қайырымдылық трамвайын шығару туралы ұсыныспен басқармаға жүгіндік, - дейді ерікті Екатерина. – Осы вагонда жүру үшін төленген барлық ақша ауыр дертке шалдыққан балаларға тапсырылады. Ақционерлік қоғам басшылығы тарапынан қолдау тапқанымызға өте қуаныштымыз. Ерекше вагонды тану қиынға соқпайды. Себебі, сырты мен ішіне басқа біреудің қайғысына немқұрайлы қарамауға шақыратын плакат жабыстырамыз".
Акция 25, 26 және 27 қазан күндері өтеді. №5 бағыттағы вагондардың біреуі қайырымдылық шараларына арналады. Мұндай трамвай өзінің әдеттегі кестесі бойынша жұмыс істейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
