Петропавл қаласының тұрғыны Дмитрий Клишин шағын бульдозер құрастырып шығарды, деп хабарлайды 24.kz. 76 жастағы зейнеткер онымен көшесін қардан тазартып, көктемгі тасқынның алдын алады.
Ең қызығы, техника тек қолда бар материалдан жасалған. 76 жастағы зейнеткер Дмитрий Клишин қар жауса, сары уайымға салынбайды. "Шағын бульдозерін" оталдырып, көшесін тап-тұйнақтай тазалап тастайды. Оны өзі құрастырған.
Дмитрий Клишин 30 жыл жүргізуші болып жұмыс істеген. Сондықтан көлікке деген махаббаты ерекше. Гаражында 1956 жылғы "Газ-69" темір тұлпары тұр. Онымен жазда ғана жүреді.
Зейнеткердің көшесін көктем сайын су басады. "Шағын бульдозермен" қардың барлығын шығару мүмкін емес. Енді ол "көмекші" көлігіне қуатты қозғалтқыш орнатпақ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
