Ақмола облысының Шортанды ауылында жергілікті кафеде еске алуға арналған түстік астан соң 58 адам ішек инфекциясын жұқтырды, деп хабарлайды Интерфакс-Қазақстан.
"Еске алуға арналған түстік астан кейін өткір ішек инфекциясының 58 жағдайы тіркелді. Басым көпшілігінде уланудың жеңіл түрі, сондықтан олар ауруханаға барудан бас тартты, бірақ уланғандар арасында балалар да бар", - дейді облыстық қоғамдық денсаулықты қорғау департаментінен.
Ведомстваның мәліметіне сүйенсек, Астанада ауруханада 8 адам жатыр, бірнешеуі Ақкөл мен Астрахан ауданының ауруханасында емделуде. Департаменттің анықтауынша, ас беру 7 наурызда өткен, азық-түліктер Егемен көршілес ауылынан жеткізілген.
Қазіргі уақытта Егемен ауылы мен Шортандыдағы кафеде тексеру жүріп, улану неден болғаны анықталуда.
