Қанат Сахариянов Atameken Business-ға басшылық етпек

3033

Қанат Сахариянов телеарнаның бас директоры болып тағайындалды.

Қанат Сахариянов Atameken Business-ға басшылық етпек

Қанат Сахариянов бұған дейін Atameken Business-дың бақылау кеңесінің төрағасы және "Атамекен" ҚР ҰКП-ның қоғаммен байланыс жөніндегі басқарушы директоры қызметін атқарды.   

Қанат Сахариянов әр жылдары "Қазмедиа Орталығы" басқарушы компаниясы" ЖШС бас директоры, "КТК" телеканалының бас директоры, сондай-ақ "Хабар" Агенттігі" АҚ басқарма төрағасының бірінші орынбасары қызметтерін атқарды.  

Atameken Business телеарнасының дамуындағы маңызды қадамның бірі – 2018 жылдың қаңтарында "Астана" халықаралық қаржы орталығымен (АХҚО) және Bloomberg компаниясымен жасалған үшжақты келісімнің бекітілуі. Еске сала кетейік, Bloomberg – тәулік бойы жұмыс істейтін халықаралық телеарнасы бар, іскерлік және қаржылық ақпараттар мен жаңалықтарды тарататын әлемдегі көшбасшы компаниялардың бірі. Осылайша, Atameken Business АХҚО-ның ресми ақпараттық серіктесі атанып, Bloomberg компаниясымен тікелей ақпарат және кәсіби тұрғыдан тәжірибе алмасу мүмкіндігіне ие болды.

Atameken Business – бизнес жаңалықтарын тарататын қазақстандық мультимедиялық тұңғыш арна. Агенттік интернет және телеарна саласындағы негізгі контенттік платформаларда ұсынылған. Телеарна бір уақытта Астана және Алматы қалаларынан ақпарат таратады. Қазақстанның, сондай-ақ, ЕАЭО, ТМД және әлемнің бизнес саласындағы өзекті ақпараттарын ұсынады. Студия қонақтары өз саласының жетекші мамандары – бизнесмендер, кәсіпорын басшылары, мемлекеттік билік пен қоғамдық ұйым өкілдері. Atameken Business телеарнасы сараптамалық бағдарламаларды, нарықтың беталысы мен дамуына қатысты болжамдарды, мамандардың түсініктемесі мен сараптамалық пікірлерін көпшілік назарына ұсынады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу