Президент Астананың жаңа «кереметін» бағалады

01 Маусым 2017 19:00

Нұрсұлтан Назарбаев елорданың жаңа вокзалын – мақтанышымыз деп атады және мұндай вокзал Еуропада да жоқ екенін айтты.

«Жуырда «Экспо-2017» көрмесінің ашылуы өтеді. Осыған орай мен Астананың мақтанышы болып табылатын елордамыздың жаңа нысандарын аралап жүрмін. Біз жаңа ғана 3,2 миллион адамға қызмет көрсетететін жаңа әуежайды көріп келдік. Ол 2025 жылға қарай 8 миллион адамды қабылдайтын болады. Қызмет көрсету сапасы жоғарылайды. Жаңа әуе жолдары ашылып жатыр, Еуропа мен Азияны қамтимыз, адамдар сол жерлерден келетін болады. Қонақтарымыз біздің керемет әуежайымызды көріп, оның заманға сай екеніне таңдай қағатын болады»,  – деді Нұрсұлтан Назарбаев жаңа нысандарды аралап жүріп.