Финляндия президенті елорданы роликпен тамашалайды

20 Маусым 2017 09:53

Астанаға жұмыс сапарымен Финляндия президенті Сауле Ниинистё келді. Елорданың халықаралық әуежайында оны энергетика министрі Қанат Бозымбаев, сыртқы істер министрінің орынбасары Ғалымжан Қойшыбаев, Қазақстанның Финлияндиядағы елшісі Мұрат Нұртілеуов және оның финляндиялық әріптесі Илкка Райсанен қарсы алды. Сауле Ниинистё сапар барысында Қазақстан президенті Нұрсұлтан Назарбаевпен келіссөз жүргізеді, фин іскерлік орта өкілдерімен кездесіп, ЭКСПО-2017 халықаралық көрмесіне қатысады.

Осымен үшінші мәрте келген шетелдік мейман қонақ үйге бас сұқты да, аяғына ролигін киіп, елорданың өзіне бұрыннан таныс көрікті жерлерін аралауға шықты.