Елордалық мектепте жалған жарылғыш құрылғының қойылғаны туралы хабарламадан кейін 1800-ден астам адам эвакуацияланды, деп хабарлайды Елорда Инфо Астана қаласы білім басқармасының баспасөз хатшысы Ж.Асановаға сілтеме жасап.
"Белгісіз адам қоңырау шалғаннан кейін №22 мектеп басшылығы бірден 102-ге хабарласқан. Содан кейін бірінші ауысымның оқушылары 1698 бала, 82 мұғалім мен 37 техникалық қызметкерлер жедел түрде мекемеден эвакуацияланды", - делінген хабарламада.
Баспасөз хатшысының айтуынша, ғимарат тексеріліп, қоңырау жалған болып шыққан. Қазіргі уақытта уәкілетті органдар кімнің қоңырау соққанын анықтап жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
