Астанада терроризмнен қорғанысы жоқ базарға айыппұл салынды

724

Астанада терроризмнен қорғанысы жоқ базарға айыппұл салынды

Астанадағы ірі базарлардың біріне террористерден қорғанысы нашар болғаны үшін айыппұл салынды, деп хабарлайды "ҚазАқпарат" ХАА қалалық ІІД-ге сілтеме жасап. 

"Өткен жылы қарашада "Шапағат" коммуналдық базарының терроризмнен қорғанысына тексеру жүргізіліп, соның барысында нысанның инженерлік-техникалық талаптарына сай келмейтін кемшіліктер анықталды. Нысанның басшысына 200 АЕК (453 800 теңге) көлемінде айыппұл салынды", - делінген ведомствоның хабарламасында.

Астана ІІД дерегі бойынша, жүргізілген тексеру қорытындысы бойынша 2017 жылы ҚР Әкімшілік құқық бұзушылық кодекстің 149-бабы "Террористiк тұрғыдан осал объектiнiң терроризмнен қорғалуын қамтамасыз ету және қауiпсiздiгiнiң тиiстi деңгейiн сақтау жөнiндегi мiндеттердi орындамау және (немесе) тиiсiнше орындамау" бойынша 34 нысан әкімшілік жауапқа тартылған.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу