Астана қаласының отын-энергетикалық кешені және коммуналдық шаруашылық басқармасы баға өсімінің алдын алу үшін көмір сатушылармен меморандумдарға қол қойды, деп хабарлайды Астана қаласы әкімдігінің ресми сайты.
Өткен жылдың тамыз және қыркүйек айының 17-і аралығында Астанаға 20,4 мың тонна көмір жеткізілген болатын. Осы жылдың сәйкес кезеңінде 52,2 мың тонна қатты отын жеткізілді, бұл өткен жылмен салыстырғанда 155% -ға (немесе 2,5 есеге) артық.
Сондай-ақ, көмірді жеткізу кезінде кезек пайда болуда. Көмірді сату орындарындағы ұзын-сонар кезектің пайда болуы трейдерлердің қатты отынды уақтылы жеткізбеулерінен.
Осы жылдың 20 қыркүйегіндегі жағдай бойынша: 20 қыркүйекке 7 вагон немесе 489 тонна көмір елордаға әкелінді: 4 вагон Шұбаркөл (280 тонна), 3 вагон Майкөбе (209 тонна).
Көмір бағасы: Шұбаркөл - тоннасы 13500-14500 теңге; Қаражыра - тоннасы 14000 теңге; Майкөбе - тоннасы 12000-12500 теңге; Богатырь көмірі – тоннасы 8500-9500 теңгеден сатылуда.
