Ақтөбеде мектеп оқушысынан менингит анықталды, деп хабарлайды astanatv.kz.
Қаладағы №20 мектептің 11-сынып оқушысы ауыр хәлде жансақтау бөлімінде жатыр. Қазір онымен араласқан оқушылар мен ұстаздар түгел дәрігерлік тексерістен өтуде.
Оқушының бір күн бұрын денесі бөртіп, дене қызуы көтеріліп ауруханаға жеткізілген. Дәрігерлер менингит диагнозын қойған.
"Жағдайы ауыр, қалыпты жағдайдағы ауыр болып тұр. Бізге оны жедел жәрдеммен жеткізді. Қатты дене қызуы, бас ауруы мен денесінде бөртпесі болды. "Іріңді менингит" деп отырмыз", - дейді облыстық жұқпалы аурулар ауруханасы бас дәрігерінің орынбасары Майра Нұрғалиева.
Ақтөбеде жыл басынан бері алты менингит дерті тіркелген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
