Елордада үш тілді тегін оқытатын әлеуметтік жоба өз жұмысын бастады

Сабақтар аптасына үш рет «Хан Шатыр» ойын-сауық орталығына қарсы «Ғашықтар» саябағында өтеді.

17 Тамыз 2018 19:00

Астанада «Тілдер саябағы» әлеуметтік жобасы өз жұмысын бастады, оның аясында қазақ, орыс және ағылшын тілдерінің курстарына жазылып, тегін оқуға болады, деп хабарлайды elorda.info Есіл ауданы әкімдігіне сілтеме жасап.

Тілдер саябағы - қала тұрғындарына саябақтарда үш тілді үш ай бойы тегін оқытуға бағытталған әлеуметтік жоба.  Дайындық деңгейі «Beginner» және «Elementary». Бағдарлама 6 жастан бастап түрлі жастағы адамдарға арналған.

Курсты оқып, аяқтағаннан кейін барлық қатысушыларға сертификат беріледі.

Сабақтар аптасына үш рет «Хан Шатыр» ойын-сауық орталығына қарсы «Ғашықтар» саябағында өтеді. Сабақ кестесін docs.google.com сілтемесін басу арқылы біле аласыз.