Оқушыларды тонап жүргендер ұсталды

908

Күдіктілердің екеуі кәмелеттік жасқа толғандықтан, олар уақытша ұстау изоляторына жеткізілді.

Оқушыларды тонап жүргендер ұсталды

Алматы облысында оқушыларды тонады деген күдікпен үш адам ұсталды. Оның біреуі кәмелеттік жасқа толмаған жасөспірім, деп хабарлайды ҚазАқпарат.

Алматы облыстық полиция департаментінің баспасөз қызметінен мәлім еткендей, үш жігіт соңғы екі айдан бері оқушылардың қымбат ұялы телефондарын, ақшаларын тартып алып отырған. Оқиға Жамбыл ауданындағы Ұзынағаш ауылында болған.

"Ұсталғандар әзірге екі тонау және бір қарақшылық фактісін жасады деп тергелуде. Олардың өзге де қылмыстарға қатысы бар-жоғы тексеріліп жатыр. Күдіктілердің екеуі кәмелеттік жасқа толғандықтан, олар уақытша ұстау изоляторына жеткізілді", – делінген аталған ведомствоның таратқан ақпаратында.

Аталмыш фактіге орай ҚР ҚК-нің 191 ("Тонау") және 192-інші ("Қарақшылық") баптарына сәйкес сотқа дейінгі тергеу жүруде. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу