Өскемендегі кәсіпорындардың бірінің есепшісі ұрлық үшін сотқа тартылды. Бір жыл ішінде алаяқ әйел кәсіпорынның шотынан 17 миллион теңгені жымқырып кеткен, деп хабарлайды kaz.altaynews.kz.
Басшылықтың сеніміне кіріп алып, оларға қызметтік хаттарда коммуналдық қызметтердің қарыздарын жоғары сомада көрсетіп отырған екен. Артылған ақшаны өзінің жеке банк шотына аударып алады. Нәтижесінде бір жылда қылмыстық жолмен ұрланған қаржының сомасы 17 446 000 теңгені құраған.
Сот шешімі бойынша, әйел алаяқтық үшін кінәлі деп табылып, бес жыл бас бостандығынан айыру жазасы тағайындалды. Сотта айыпталушы бас бостандығынан айыру жазасын өзі сұраған екен. Себебі кәсіпорынға келтірген залалды төлей алмайтын көрінеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
