Шетелден әкелінген әр ірі қараға 225 мың теңге субсидия беріледі

07 Желтоқсан 2018 18:29

«ҚазАгро» холдингінде ірі қара мал мен ұсақ мал сатып алу үшін «Сыбаға» несие өнімі жаңартылды.  Бұл туралы «Ауыл шаруашылығын қаржылай қолдау қоры» АҚ басқарма төрағасы Жандар Омаров мәлімдеді, деп хабарлайды ortcom.kz.

Бұл бағдарлама мал шаруашылығы саласында жұмыс тәжірибесі жоқ адамдар үшін, осы ауыл шаруашылығы бағыты бойынша өз бизнесін ашуға шешім қабылдаған ауыл шаруашылығы өндірушілері үшін несиелендірудің ең қолжетімді бағдарламаларының бірі болмақ.

«Жағдай барынша оңайлатылды, одан әрі өсіру үшін ірі қара мал мен ұсақ қара мал басын сатып алуға, мал азығын өндіруге арналған ауыл шаруашылығы техникасы мен жабдықтарын сатып алуға, айналым қаражатын толықтыруға 15 жылға дейінгі мерзімге субсидиялауды есепке ала отырып, жылдық пайыз 4% - дан бастап орнатылды. Айта кету керек, шетелден асыл тұқымды мал сатып ала отырып, шаруашылық әр сатып алынған ІҚМ басына 225 мың теңге субсидия алады. Сонымен қатар, мемлекет пайыздық мөлшерлемені жылдық 14 – тен 4 пайызға дейін арзандатады. Мемлекеттен қолдау көрсетудің тағы бір тетігі-төлді бордақылау алаңына тапсыру кезінде субсидиялау тірі салмақтың килограмына 200 теңге»,- деді  Жандар Даниярбекұлы.

Айта кетсек, «Сыбаға» бағдарламасының тартымдылығының маңызды факторы несие қаражаты есебінен сатып алынатын малды кепілге алу болып табылады. Сонымен қатар, ауыл шаруашылығы жерлерінің өнімділігін арттыру мақсатында Холдинг мал азығын өндіру үшін суару жүйесін сатып алуды қаржыландырады.

«Ауыл шаруашылығын қаржылай қолдау қоры» АҚ биылғы жылы жаңартылған «Сыбаға» бағдарламасы бойынша 15,3 млрд теңгенің 636 өтінімі мақұлданды. Несие сомасы-70 млн теңгеге дейін, несие беру мерзімі-15 жылға дейін, сыйақы мөлшерлемесі-жылдық 4 % (субсидиялауды есепке алғанда), жылдық тиімді сыйақы мөлшерлемесі  4,1% - дан басталады.