Түркістан облысынан Астанаға азық-түлік өнімдері тиелген автокеруен жолға шықты

1010

Шарада жалпы құны 201 млн теңгені құрайтын 496 тонна ауыл шаруашылығы өнімдері ұсынылмақ.

Түркістан облысынан Астанаға азық-түлік өнімдері тиелген автокеруен жолға шықты

Қыркүйек айының 22-23 күндері Түркістан облысының тауарөндірушілері Елордада ауыл шаруашылығы өнімдерінің кезекті жәрмеңкесін өткізеді, деп хабарлайды өңір әкімінің баспасөз қызметі.

Шарада жалпы құны 201 млн теңгені құрайтын 496 тонна ауыл шаруашылығы өнімдері ұсынылмақ. Оның ішінде 80 тонна ет және ет өнімдері, 141 тонна көкөніс, 28 тонна сүт және 90 тонна бақша өнімдері, 53 тонна жеміс-жидек, 26 тонна картоп жөнелтіледі. Сондай-ақ, 10 мың дана жұмыртқа және 5 тонна балық, 4 тонна әсел, 10 тонна кептірілген жеміс, 14 тонна түрлі консервілер және 45 тонна басқа да өнімдер бар.

Облыстық ауыл шаруашылығы басқармасы басшысының міндетін уақытша атқарушы Нұрбек Бадырақовтың айтуынша, жәрмеңкедегі тауарлар базар нарқынан 10-15 пайыз төмен бағада сатылатын болады.

"Отандық өнімдеріміз қала тұрғындары мен қонақтарына жәрмеңке арқылы ұсынылады. Түркістан облысы Астана қаласының 20 жылдық мерекесі аясында осымен 4-ші рет жәрмеңке өткізіп отыр. Осы аралықта Елордаға 14 753 тоннаны құрайтын ауыл шаруашылығы өнімдерінің 28 түрін жөнелтілді. Осы шараны өткізуге өңіріміздің 35 ірі және қосалқы шаруа қожалықтары мен кәсіпорындары атсалысуда", – деді Нұрбек Бадырақов.

Биыл түркістандық шаруалар 500 мың тоннаға жуық өнімді Ресей, Беларусь, Латвия, Германия мемлекеттеріне экспорттаса, 1 млн тонна тауар еліміздің солтүстік өңірлеріне жөнелтілді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу