Жамбыл облысында атыс кезінде бір адам көз жұмып, жетеуі жарақат алды, деп хабарлайды abctv.kz.
Жамбыл облыстық ІІД баспасөз қызметінің мәліметі бойынша, 6 қараша күні кешкі уақытта Аса ауылынан Құмтиын ауылына бағыт алған автобустардың бірінде қос жолаушы жанжалдасып қалған.
Түнге қарай жанжал соңы атысқа ұласқан. 22-24 жас аралығындағы ер адамдар бытыралы тегіс ұңғылы мылтық қолданған. Атыс кезінде жарақат алған 7 адам аудандық орталық ауруханаға түсіп, Қаракемер ауылының 30 жастағы тұрғыны кеуде тұсынан алған жарақатынан көз жұмды.
"Аталған дерек, Қылмыстық кодекстің 99 бабы 2 бөлігімен сотқа дейінгі тергеп-тексерудің бірыңғай тізіліміне тіркелді", - дейді Жамбыл облыстық ІІД баспасөз хатшысы Гүлсара Мұхтарқұлова.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
