Баға құбылып тұр

Қаңтар-сәуірде елдегі инфляция көлемі 2,2%-ды құрады. 

03 Мамыр 2018 11:37 Автор: Фархат Әміренов
Баға құбылып тұр, баға, азық-түлік тауарлары , инфляция, азық-түлік емес тауарлар, ақылы қызметтер

Статистика комитетінің деректеріне сүйенсек, қаңтар-сәуір аралығында азық-түлік тауарларының бағасы 2,8%-ға, азық-түлік емес тауарлар – 1,7%-ға, ақылы қызметтер бағасы 1,9%-ға өсті.

Жыл басынан бері картоп бағасы 7,2%-ға, мәйекті ірімшік – 5%-ға, консервіленген сүт – 4,6%-ға, сары май – 3,4%-ға, қышқыл сүт өнімдері – 3,3%-ға, сүзбе, сиыр еті, жылқы еті, жалпы ет өнімдері – 2,5%-ға, шұжықтар – 2,3%-ға, жеміс және көкөніс шырындары –  2,2%-ға, салқындатылған сусындар 1,6%-ға қымбаттаған. Қарақұмық жармасының (15,9%-ға), қара шайдың (1,8%-ға), құс етінің (1,4%-ға), жұмыртқаның (1,1%-ға) бағасы арзандаған.

Сондай-ақ, қаңтар-сәуір аралығында фармацевтикалық өнімдер бағасы 2,9%-ға, автомобильдер – 2,8%-ға, тұрмыстық аспаптар – 1,9%-ға, шыны және қыштан жасалған өнімдер – 1,8%-ға, киім және аяқ киім, жуғыш және тазалағыш құралдар – 1,7%-ға, жиһаз және үйге қажетті заттар – 1,6%-ға, тоқыма бұйымдары – 1,5%-ға, кітаптар 1,3%-ға өскен.

Сонымен қатар, құқықтық қызметтер, жеке көлiк құралдарын сақтандыру бағасы 6%-ға, мектепке дейінгі балалар мекемесінің қызметтері – 3,2%-ға, денсаулық сақтау – 2,9%-ға, шаштараздар мен жеке қызмет көрсету орындары – 2,5%-ға, қоғамдық тамақтандыру қызметтері 1,1%-ға қымбаттаған.

Қала ішінде автобуспен жол жүру ақысы 3,1%-ға, қалааралық автобус, жолаушылардың темір жол көлігі 2,8%-ға қымбаттады. Ал әуе көлігімен қатынау бағасы 2,2%-ға арзандады.

Тұрғын үй-коммуналдық қызметтер саласында электр энергиясы (3,6%-ға), орталықтан жылыту, ыстық су (3,5%-ға), қоқыс шығару (3%-ға), тұрғын үйді күтіп ұстау (2,2%-ға), тарату желілері арқылы тасымалданатын газ (1,9%-ға), суық су (0,9%-ға), кәріз жүйесі (0,8%-ға) тарифтері жоғарылады.

Қаңтар-сәуір аралығында өндіруші кәсіпорындар бағасы 2,4%-ға жоғарылады. Бағаның өсуі өңдеу өнеркәсібінде (2,8%-ға) кен өндіру өнеркәсібінде (2%-ға) байқалды. Сондай-ақ, өнеркәсіптік өнім (2,1%-ға), өнеркәсіптік сипаттағы қызметтер (5,9%-ға) қымбаттады.

Жыл басынан бері дизель отынының бағасы 10,3%-ға, табиғи газ – 5,6%, көмір – 3,3%-ға, металл кендері – 3,1%-ға, мұнай – 1,5%-ға, мазут 1,1%-ға, бензин 0,4%-ға жоғарылады. Ал сұйытылған пропан және бутан бағасы 2,2%-ға төмендеді.

Ферроқорытпалар бағасы 15,3%-ға, қара металдар илегі – 5,9%-ға, мырыш 0,7%-ға жоғарыласа, алюминий бағасы 3,5%-ға, қорғасын 3,4%-ға, мыс 2,2%-ға, асыл металдар 0,9%-ға төмендеген.

Сондай-ақ, шай (4%-ға) қара бидай ұны (3,6%-ға), өсімдік майы (2,6%-ға) қант (2,4%-ға), күріш (1,9%-ға), сүт өнімдері (0,7%-ға), нан (0,4%-ға) бағасы жоғарылаған. Ал бидай ұны (4,9%-ға), жармалар (4,5%-ға), құс еті (1,6%-ға), макарон өнімдері (1,5%-ға) арзандады.

Статистика комитетінің дерегінше, сәуір айында азық-түлік тауарларының бағасы 2017 жылғы сәйкес кезеңмен салыстырғанда 5,5%-ға өсті. Сондай-ақ, бұл айда алкогольді ішімдіктер бағасы 11,2%-ға, сүт өнімдері – 10,1%-ға, балық және теңіз өнімдері – 8,1%-ға, кондитерлік өнімдер – 7,6%-ға, тоқаш және ұн өнімдері – 6,2%-ға, жемістер мен көкөністер – 4,9%-ға, кофе, шай және какао – 3,3%-ға, макарон өнімдері – 2,1%-ға, нан – 0,8%-ға, ұн 0,7%-ға қымбаттаған. Тек жармалар (18,7%-ға) мен қант (13,3%-ға) бағасы ғана төмендеген екен.

Сәуір айында ет және ет өнімдері бағасының өсімі 8,4%-ды құрады. Сиыр етінің бағасы 10,1%-ға, жылқы еті – 8,6%-ға, шұжық өнімдері – 8,1%-ға, қой еті – 7%-ға, құс еті 2,8%-ға өскен.

Бұл айда азық-түлік тауарларының ең төмен бағасы – Павлодар, Тараз, Қарағанды, Ақтөбе, Қызылорда облыстарында, ал Алматы, Астана, Ақтау, Өскемен, Қостанай шаһарларында әлдеқайда жоғары бағалар тіркелген.

Фархат Әміренов