Алматыда Қазтрансформатор ғимараты өртенді

18 Қазан 2017 10:00

Алматыда 18 қазанға қараған түні Рыскулов, 99 мекенжайында өрт болды, деп хабарлайды Интерфакс-Қазақстан.

Элетртехникаларын шығарумен айналысатын «Қазтрансформатор» ЖШС-ның ғимараты өртке оранды.  Қалалық ТЖД-нің ресми өкілі Сандуғаш Баймұхамбетованың мәліметінше, Жетісу ауданы, Рысқұлов 99 мекенжайында өрт шыққаны туралы шақырту «101» пультіне түнгі 3:00-де түскен. 3 минутта оқиға орнына жеткен өрт сөндірушілерге сондықтан «Алматы Тазалық» коммуналдық қызметінің су таситын көлігі үздіксіз су жеткізіп тұрды, себебі ең қашықта орналасқан гидрант 1,5 шақырымда еді.
«Өрт таңғы 06.17-де толық сөндірілді. 3500 шаршы метр аумақты жалын шарпыған. Зардап шеккендер жоқ. Өртті сөндіруге 120 адам жұмылып, 36 техника тартылды», - деді Баймұхамбетова.